كتب الشاعر المبدع حسني ابو عزت نص بعنوان. (( قلا وقالتلو. ))
( قلا وقالتلو ) (زجل الريف ) قلا: جهجه الضو قومي ولعي التنور° وقتنا طول بخاف العجين يفور° قالتلو: تركني بهالغفوات القلب مسرور° بيزعلو الدفوات والذنب مغفور° قلا: من كتر هالأزمات النمر مكسور° ما ضل فينا أمل والفكر معذور° قالتلو: شحاري علي نام وكان شحرور° من كتر الألم صار متل عصفور° قلا : فضحتينا يا مره بسوالفك زور° لك أنا متل بارود وللليل ناطور° قالتلو: حاجي بقا تهرب تتللف والدور° بفهم عليك بلا ما ترفع البعتور° قلا : لكن قومي بلا غناج أنا مقهور° على شبابي الراح فيه مجبور° بقلمي حسني ابو عزت ٢٨//١٢//٢٠٢٣