كتب الشاعر المبدع د جرجس فرنسيس نص بعنوان...... خلاص ناوي على الرحيل......
خلاص ناوي عالرحيل
خلاص نويت عالسفر
تسافر بعيد وتتركني
خلاص ناوي عالرحيل
تروح بعيد وتسيبني عليل
طيب خد قلبي معاك
يسعدك ويونسك في غربتك
خد روحي كمان وياك
تحرسك وتطمني عليك
حد وياك أيامي وسنيني
خد عمري كله معاك
ما عاد يلزمني من بعدك
خد أيامي معاك وأحلامي
خد أحلي أيام عمري
سيب لي الماضي وسيب الذكري
خد وياك أحلام بكرة
من غيرك مالهاش لازمة
سيب لي دموعي ولوعة قلبي
سيب لي نار تكوي فؤادي
سيب لي الشوق وسيب الحيرة
سيب لي الحزن وسيب الغيرة
خد وياك أحلام عمري
جايز مرة تحن وترجع
لما تلاقي أملي رضاك
لسه ناوي عالسفر
ناوي خلاص عالرحيل
قلبي وروحي وعمري فداك
تروح وترجع بألف سلامة
يومها أعملك أحلي زفة
وفرحة قلبي تغطي الكون
ولو مارجعت أعيش عالذكري
وأقضي عمري الباقي علي ذكراك
وسنين من عمري قضيتها معاك
بقلم/جرجس فرنسيس
تعليقات
إرسال تعليق