كتب الشاعر د. جاسم ثعلبي الحساني قصيده بعنوان (( شيل الراية ))
اُغنیّة شیل الرایة
حنّیت ، ونّیت، و أنا إبحبّك سلّیت
تعبیت ، ما جیت ، و أنا أنتظرك بإلبیت
إبشوگك ورّم دلّالي
بس کافي لتشل بحوالي
الحد من ساکت یإلغالي
داوي إبنارك هلکیت
شد حیلك یل بیك إکفایة
***
یحبیّب عیدك من عیدي ، واعدني او إیدك بیدي
ترهبني إمن إتعاتبني ، و أشتاق إمن إتکلّمني
شیل الرایة أتلگّاك
خل نفرح أنا إویاك
إبگلبي او روحي ألتفداك
إبدربك جاي إشتمّیت
یألمالك عز مالك شارة
***
طیع الفرصه او لتفوتك ، او زود البیّه أصبح زودك
ما أعوفك لا تنساني ، إبدربك واگف تلگاني
أنت الحب و أنت ألغیرة
او طالع گلبي إبتفسیره
إقبل سرنه او تقدیره
إنشوفك یمته إشتاقیت
و إبن إم شیلة إیهوّس بیهه
***
یا کهرب یا طرگاعة ، تتمایل مثل الساعة
إعیونك حیل إتخبّلني ، او صوتك حیل إیجنّنني
إعیونك شمس المضویّة
او تتلاهب بل ترچیّة
إگبالك ذب البوشیّة
إسترني حیل إتأذّیت
و النایم خل یلبس شیلة
***
مستانس شیل الرایة ، ربعي او ربعك وفّایة
نوگف للطاح إنشیله ، و الضایفنه إنحیّیله
إبیوم الضیج أتحدّاك
إندگ الثایه أنا اویاك
إبنار أشویه المسّاک
إبثار إعدانه أتعدّیت
و البیه غیرة إیشد إحزامه
***
یا دار العز و إمحلّیهه ، حر بل دیرة او تظهر بیهه
هز سیفگ گول أنا أهوازي ، شد بالامك کل إرزازي
إمّك إمّي و إمخاویني
إبموتي إبدمّي إمحنیني
إبماي الفرگه إتبدبیني
إبدخانك یبني إختنگیت
خیّال أگبل عنده إبشاره
***
زفّیتک حیل إبهلهولة ، و إبعرسك یبني العب ژوله
أنت البلسم شد إجروحي ، و إسمك هل مرسوم إبروحي
چفّنتك بل چفّیة
و إختك لبست بوشیّة
بیهه الغیرة العربیّة
تعلم و إبحبهه إتهنّیت
یا باز إگنص طیر الباشة
***
جاسم ثعلبی الحسّانی ( د. جاسم محمد الحسّاني)
10/01/1402
تعليقات
إرسال تعليق