كتبت الشاعره المبدعه د. نجوى محمد نور الدين نص بعنوان.... كان في قلبي الحلم عايش......
كان في قلبي الحلم عايش
بس فجأة الحلم مات
كل شئ باهت قصادي
جه وزارني الاكتئاب
فين صحابي واهل بيتي
كنت انادي مسمعونيش
ضغط نفسي تعب يوماتي
ليه هكمل ليه هعيش
كنت ببقي تملي وحدي
بالليالي وبالساعات
صبح يمشي وليل يعدي
وقلبي مليان بالسكات
كنت عايزه حد جمبي
يكون فاكرني مينسنيش
ناس ف ضهري اتعافي بيهم
وبكلامهم تاني اعيش
كان مجرد وهم باين
والامل راح بالسنين
سابوا قلبي ف حزنه عايم
سابوا فيا شعور حزين
ليه اتوجعتوا من كلامي؟
ومن قراري بإني اموت
شكلي كان صعبان عليكوا
بقيتوا تحكوا بأعلي صوت
ان تاخدوا تاني بالكم
من كلامكوا وم الردود
وان 100 واحد ما بينكم
كل يوم بيكون مرفوض
اوعي تعمل زيي ابداً
وتفكر في الانتحار
وان دا يكون القرار
د.نجوى محمد زين الدين
تعليقات
إرسال تعليق