كتب الشاعر المبدع احمد عبد الرزاق الزعويلي نص بعنوان (( عاشق تراب جنابك ))
عاشق تراب جنابك
(شعر) احمد عبد الرازق الزعويلى
لبست توب الرجا اكفن فيه احزانى
على غمر ضاع وانتهى ملقتش فيه مكانى
وركبت مركب اعدى لقيته فات وعدانى
وحلمت ببكره بيندهلى قوم حاول تانى
ضهرى انحنى يا بلد وعايزه ايه تانى
صوتى تاه م الالم والمك زاد وغطانى
عاشق ترابك انا وانت اللى ذلانى
طمعت فى هدمه تكون كفنى وسترانى
صوت الحق اتخنق باهتف باسمك ونسيانى
لا سندتى يوم ضهرى ولا عن خلقك كافيانى
سرق الامير فرحتى سرق دارى وحصانى
عمل وليمة بشبكتى وبعلك شوقى واحزانى
لا حافظ على شرفك ولا ...ف البعد عنك عزانى
صبح حامى الحما ...وبقيت انا الجانى
متفوقى بأه ارجوكى ضاع عمرى وعنوانى
عينيكى فين يا بلد شايفك انا....شايفانى؟؟؟
زاد الظلم واميرك استعماكى واستعمانى
وضع على جبينك الم سمك ....وسمانى
ابكى على فرقتك...ولا اموت على بابك
ولا ..اكون فى خدمتك واللى نهب سابك
بتشكى ضنا وفقر وتعضى فى شبابك
انا الذليل بمحبتك...بايس تراب جنابك
اسمى عميل خاين والظلمة احبابك
بدور فى الشوارع على مكان اهرب من انيابك
قتلوا فيكى فرحتك....نهشت البراءة كلابك
يا لقمة حلوة سممها الغدر اللى صابك
يا كلمة حلوة تاهت معانيها فى ترابك
يا بسمة صافية..اخاف لو بينت انيابك
وبدوب بمحبتك والعن ابو اللى جابك
بدوب بمحبتك والعن ابو اللى جابك
عاشق تراب مصر|الشاعر احمد عبد الرازق
الزعويلى
خالص تحياتي لأكاديمية الادهم الدولية للأدب والشعر علي توثيق قصيدتي (عاشق تراب جنابك) ونشرها
ردحذف