كتب الشاعر الاديب المبدع يوشع علي اسماعيل قصيده بعنوان (( عيد العشاق ))
زجل قصيد باللهجه العاميه اللبنانيه
عيد العشاق
.............
قالوا اكتبلنا عن عيد العشاق
بيتين شعر من قلب مُشتاق
وقالوا ثوب الحب فصلوا
ولمين بينتمي ولأي أعراق
من بعد ستين عام توصلوا
أفكاري لعشق قلب للعقل راق
على بَر الأمان ما بتُوصلوا
إذا القلب عاعشق الوطن ما فاق
حتى عازهرة الغرام تستحصلوا
ويوعى قلب بهيام الدني مُعاق
بدكن عطر عشق الوطن تحصلوا
قبل ما يغتصبوا عاشق سراق
وإذا القلوب من ترابها تنصلوا
ومن دموع العين الأرض ما ساق
وإذا النور بالنور ما وَصْلوا
وما شربوا عشق التراب مع الترياق
وإذا باعوا حُبوا العليه تأصلوا
بدرهم فضه غاوي أهل النفاق
وإذا غرام الهوى ما بتفصلوا
عن حُب الوطن ما في وطن
ومافي حُب من بعدوا إلوا مذاق
.............. ...............
بقلمي... يوشع علي إسماعيل أديب وشاعر عامي
تعليقات
إرسال تعليق