كتبت الشاعرة سوزان محمد نص بعنوان. (((( إوعى تزعل من هزاري. )))

 قصيدة ( إوعَى تزعل من هزارى )

=====================

إوعَى تزعل من هزارى

جَدِّى هزل و هزلى جَد

إما تِقبل اعتذارى 

إما تِقبل بعد غد

معنى إنى معاك أهزر

و للا أضحك و للا اكركر

يعنى لو حبيت تِفَكر

إنى حبيتَك لا بُد

..........................

عارف الميزة اللى هِيَّه

إللى أجمل حاجه فِيَّه

إنى عاقلة كتير لكنى

بابقى بردو كتير شقية

فجأة و ف لحظة جنون

ثانيه باقْلِب فيها كون

بس كل شقاوتى دِيَّه

منى ليك أجمل هدية

...........................

مش بَحِبك تبقى راسى

زى رِجلين الكراسى

فُك نفسَك ثَنْى مَد

ليه بتعمل فيها قاسى

إنت تقلان ليه يا واد

حالة محتاجه اجتهاد

شكلى كده هاقلِب سعاد

حسنى عقلى بَرَّا راسى

.............................

مهما تضرب ألف بوز

يبقى وشك زى كوز

إنت نفسك مرة تضحك

بس متعقد يجوز

بس بردو وَراك وَراك

بُكرا يِتمَكِّن هَواك

مين قِدِر يستغنَى عنى

راح

تيجى لى لما اعوز #بقلمى #سوزان_محمد