كتب الشاعر المبدع د. منصور ابو عبد الله نص بعنوان......فات الأوان......
فات الآوان
بقلمى منصور ابو عبدالله
***********************
رايح تجرى تفرح انت فاكر زمانك مستنى
تفرح قولى ازاى وانت عود قلبك متنى
وصاحب الطيبه لا يفرح ولا يعيش متهنى
ويلم الجرح وعلى همه يبات يحكى ويغنى
***********************
زرعت بايدك بذور الطيبه وطرحك هاش
وعملت الجمايل فى غيرك ولما دورت ملقتهاش
وشجر الاصول والطيبه اتنسى وفرع الخسة عاش
وكتير قلتلك لما سامحت اللى اذاك قلتلك بلاش
***********************
زمانك لو عطالك يوم فرحة حياخدها اضعاف
وقلبك ان فرح يوم يبقى بعد الفرحة يخاف
واللى داق طعم دمعته من غلبه غير اللى شاف
مسكين انت يا اللى بتدور على فرحة وسنينك عجاف
************************
فردت شراع مركبك وعاوز تسافر والبحر غدار
طول عمرك بتداوى جروح الخلق وانت فى نار
هو لسه فى عمرك باقى علشان تفرح وتختار
انت فاكر انه الفرح بالايد وبيكون بالاختيار
*******************
رايح تجرى يم الفرح والافراح سافرت بعيد
لسه فيك امل تقاوح مع الايام وتعيد وتزيد
انت فاكر انه الفرح قريب دا شئ مش بالايد
دا اللى شقاه حظه عمره ما يعيش سعيد
*******************
أصله الطيب فى الزمن دا ملهوش مكان ولا عيش
وان دورت على ذنب كنت عملته فى حد متلفيش
زمنا زمن شجر الاصل فيه من غير تمن والغالى هيش
جرب تنسى طيبتك وتعامل بالند يمكن تقدر تعيش
****************
بقلمى منصور ابو عبدالله
فات الآوان
تعليقات
إرسال تعليق