كتب الشاعر الاديب المبدع د. عمر عبد الجواد عبد العزيز نص بعنوان....... فيها أيه ؟........
.......(( فيها إيه ؟)).....
فيها إيه ..لو تصارحني
كلام عزالي بيجرحني
لو قلبك لسه فاكرني
تعالي مرة..... و زرني
وان كنت غلطت... سامحني
فيها إيه ..لو تصارحني ؟
أنا قلبي لسه شاريك
و لا قادر يفرط فيك
و كل ليلة يناديك
نظرة عينك.. تفرحني
فيها إيه ..لو تصارحني ؟
لو تسمع دقة قلبي
تحكيلك شوقي و حبي
و عن حبي ما اقدر أخبي
تعالي جنبي و صافحني
فيها إيه ..لو تصارحني ؟
في خيالي محفورة صورتك
و يحلالي أجيب في سيرتك
ربي ينور ... بصيرتك
و تيجي ... يوم تصالحني
فيها إيه ..لو تصارحني ؟
لو قلبك مال. .و. استغني
عن قلبي و حبي.. يتهني
سعادتك ... هيا ما أتمني
بس قول ....و ريحني
فيها إيه...لو تصارحني ؟؟
★★★★★★★★★★
د/عمر عبد الجواد عبد العزيز
تعليقات
إرسال تعليق