كتب الشاعر المبدع د. عاطف كبارة. نص. بعنوان......سيبني أحلم ...
سيبني أحلم....
عاطف كبارة
أيوه حلمت
أكون معاك ف دنيتك
أعمل ايه ؟؟
ماقدرتش أمنع حلمي بيك
لإني نمت
وف إيدي صورة لضحكتك
هحلم بإيه
وف نبضي صوت تفكيري فيك
أيوه حلمت
عارف إني ظلمت قلبي
وجيت عليه
سيبت نفسي مشيت معاها
طاوعتها
بس مين يرفض طريق
آخره لعنيه
كل كلمة لأ في قلبي
كتمتها
إنت حلم كتير عليا
كنت أكبر من ظروفي
إنت قد الدنيا ديا
نجم عالي معدي شوفي
كام قلب حبك
وابتدى يحلم يكون
ساكن ف قلبك
مهما حيضحي بكنوز
ويلاقي صدك
بعد رفضك والحصون
يعني انا الغلبان
حيقدر بيك يفوز...؟؟
سيبني أحلم بيك
وماتقولليش بلاش
شوفني أصلا حد
مش موجود ماجاش
مش جريمة إني باحلم
إني نمت
حتي لما كنت صاحي
بيك حلمت
الغريبة إني قلت
خلاص فهمت
وبرضه حلمت
سيبني أحلم بيك
عاطف كبارة
تعليقات
إرسال تعليق