كتب الشاعر المبدع. ذ. محمد حديش. قصيدة بعنوان...... سيدنا رمضان .......

 زجليتي { سيدنا رمضان } مغناة بالذكاء الاصطناعي متمنيا أن تروقكم...دمتم

زجل

~~~ 

سيدْنَا رَمْضانْ

~~~~~~~

غَــــــسَّالْ الشْهــــــورْ شَعْشَعْ بْـهاهْ 

ضَــــــوَّاتْ الــــقْلوبْ مْحَبَّة بَنْوارو 

مــــــَرْحْبا بْشَهْرْ رَمْضـــانْ الكْـريمْ

ضــــــيفْ الرَّحْمـانْ وْجودْ خَيْراتو         

زَهْــــــزْهاتْ الأَشْــــــواقْ مْــبَهْجَة 

أَفْــــــراحْ بْــــــزينْ عْــــطَرْ طَلاَّتو         

صــــــْفا التُّـــــوبَة الصَّادْقَة تَحْلى

فْ رْحــــــايَبْ زْهَــــــرْ دَوْحـــاتو       

     

الله عْــــــليكْ يــــاسيدْنا رَمْضانْ

تَعْــــــمينا بْــــــوَحْشَكْ ؤُشوفاتو              

تْــــــفاجَتْ بِــها القْلوبْ الصَّافْيَة

بَــــــقْدومْ بْهاكْ  أَسيدي مْزِّيناتو      

زْيــــــارْتَكْ الــزَّاهْيَة عَزْ عَطْراتْ

النْفوسْ بْــجودْ الدَّيَّانْ ؤُمَجْداتو         

فــــــيكْ ياسيـدي بيبانْ مَتْنْوْعَة

خــــيرْ مْفَتْحَة بَمْجَيْتَكْ عَشْقاتو              

الله عليكْ ياسيدْنا رَمْضانْ فيكْْ

كَنْجَدْدو إيـــمانَّا بَالْحَقْ سُبحانو         

فــــــيضْ نَـفْحاتْ عْطورْ تيهالَكْ

الــــمْبَهْجَة الْكـونْ بيكْ زَهْزْهاتو           

لْــــــياليكْ الــمْخَشْعَة الــمَسْكِيْة          

بْإيــــــمانْ كــيهَزْ القْلوبْ ضَوَّاتو               

تْــــــمَنِّيتْ تْـكونْ كُــلْ لِيَّامْ رَبِّي

رَمْــضانْ مْـحَبَّتْها غَرْسْ زَرْعاتو    

لــــــيكْ الــحَمْدْ يـارْبِّي رْزَقْــتِنا 

شـــــَهْرْ الــغُفْرانْ شَرَّفْنا بْطَلاَّتو        

فــــــيهْ لــــــيلَة الـــقَدْرْ فْـضَلْها

كْــــبيرْ فــازْها الـمومَنْ سَعْداتو        

كُلْــــــمَا كَـــثَّرْتْ دْعَـــوْتي وْأَنـا

ســــــاجَدْ مْـــخَشَّعْ فْ رْحـايْبو 

مــــــايْــدورْ الــــعامْ حَتَّى رَبِّي

يَسْتـــــاجَبْ لـــي مَــــنْ فَضْلو 

الــمَنَّانْ مــولْ الــعْطِيَة السْخِيْ

لــــيهْ الـــحمْدْ الْكريمْ سَبْحانو 

كُــــــلْ خَـــتْمَة فــيكْ مَقْرونَة

بَالــــــصَّلاة عْـلى طَــهَ نَـوْراتو 

بقلم ذ.محمد حديش

~~~~~~~~~~~

06\رمضان\1440