كتب الشاعر. المبدع د. حسني أبو عزت. قصيدة بعنوان...... عيب الفكر......

 ( عيب الفگر  )

بدوي خفيف 

يگولون دنيا الفگير بگدر محروسه 

ولو تودر بالمغارة لاگى من يدوسه 

من جتر الجهل يحس انه محسود°

حتى لو بالوطر عوز جابن عروسه

غريبه الدنيا ما تعترف بيه وتجود°

لزوم يعوف روحه للظلم مجبوسه 

حتى وگت الوغى هم بدمه يجود°

الظلم ينادي شهيد ويبوگن فلوسه

للأسف تاريخه عدم ولغيره يسود°

الفكر طايح ثرى ما يفتهم دروسه

الكرامه لو ساحت بعمرها ما تعود°

هم بليا أمل وحياته دوم ميؤوسه

بالفگر جلمن بحاله وعمره ما يلود°

ولو الفردوس اعتلى تبگى عبوسه 

الله يا خجلتي ملايين البشر تزود°

كلهم رعايا جهل سعوا من يبوسه

عليش حنا يا البشر للحگ ما نعود°

حتى بسياط الظلم نحيا ونسوسه

عطايا الله كثيره تحتاج للي ينود°

يحب بليا خجل ولخيه ما يگوسه

عجل شوف الدنيا وجميع العهود°

ما بي زيك أحد وأفكاره معكوسه

بقلمي حسني ابو عزت ٢٤//٣//٢٠٢٥